Hamas, grupi militant palestinez, është identifikuar si një organizatë terroriste nga qeveritë perëndimore dhe disa të tjerë dhe është bllokuar nga sistemi tradicional financiar. Por këtë vit krahu i tij ushtarak e ka zhvilluar një fushatë gjithnjë e më të sofistikuar për të mbledhur para me ndihmën e Bitcoinit.
Në versionin e fundit të faqes së internetit të ngritur nga krahu, i njohur si Brigadat Qassam, çdo vizitori i jepet një adresë unike e Bitcoin, ku ai ose ajo mund ta dërgojë monedhën digjitale, një metodë kjo që i bën donacionet pothuajse të pamundura për gjurmim nga institucionet e zbatimit të ligjit, shkruan Koha Ditore.
Në shtatë gjuhë
Sajti, i cili është në dispozicion në shtatë gjuhë dhe e përmban logon e brigadave, me një flamur të gjelbër dhe mitraloz, e përmban një video të prodhuar mirë që shpjegon se si të blini dhe dërgoni Bitcoin pa u gjurmuar nga autoritetet.
Terroristët kanë qenë të ngadaltë në bashkimin me elemente të tjera kriminale që janë tërhequr në Bitcoin dhe e kanë përdorur atë për gjithçka nga blerjet e drogës e deri tek pastrimi i parave.
Por gjatë muajve të fundit, autoritetet qeveritare dhe organizatat që e përcjellin financimin e terrorizmit kanë filluar të ngrenë alarme në lidhje me një ngritje të numrit të organizatave islamike terroriste që eksperimentojnë me Bitcoinin dhe monedhat e tjera digjitale.
Rendimentet nga fushatat individuale duket të jenë modeste - në dhjetëra mijëra dollarë. Por autoritetet theksojnë se sulmet terroriste shpesh kërkojnë pak fonde. Dhe përdorimi i kriptovalutave nga grupet duket se po bëhet më i sofistikuar... (Më gjerësisht lexoni në Koha Ditore)
Artikullin e plotë mund ta lexoni në gazetën Koha Ditore. Klikoni këtu për t’u regjistruar falas.
© KOHA. Të gjitha të drejtat janë të rezervuara.
