Microsoft Word për Android i ka mbi 1 miliard instalime

Microsoft Word për Android i ka mbi 1 miliard instalime

17 July 2019 22:05

Microsoft Word është një nga aplikacionet më të popullarizuara produktive dhe nuk është çudi që ka arritur sukses në sistemin operativ mobil të Google. Statistika më e re e Google Play Store tregon se versioni për Android i Microsoft Wordit është instaluar mbi një miliard herë. Aplikacionet e tjera të Microsoft Office gjithashtu kanë rezultate të mira, raporton Ubergizmo.

Exceli i ka mbi 500 milionë instalime në Android, dhe e njëjta vlen edhe për OneNote, PowerPoint dhe OneDrive, shkruan KOHA Ditore. Outlooku për Android po e rrit ngadalë praninë e vet dhe tani i ka mbi 100 milionë instalime në Android.

Këtu duhet të theksohet se këto shifra nuk i pasqyrojnë të gjitha instalimet e bëra nëpërmjet Google Play Store. Microsofti ka marrëveshje me disa prodhues të cilët tashmë ofrojnë aplikacione të para-instaluara të Office në pajisjet e tyre.

Interesante është që edhe pse shërbimet e bazuara në cloud (si Google Docs) janë bërë shumë të popullarizuara gjatë viteve të fundit, shumica e njerëzve dhe përdoruesve afaristë vazhdojnë ta përdorin Microsoft Office - softuer ky që për ta është i njohur nga platforma desktop.

© KOHA. Të gjitha të drejtat janë të rezervuara.

Komentet

Shto koment

Të ngjashme