Edhe pse programet mbrojtëse mund të ndihmojnë, sjellja e përdoruesit bën që të bëhet grup rreziku për infeksione të ndryshme kompjuterike dhe komprometime të ndryshme të sigurisë së të dhënave.

Rreziku kibernetik

Sipas një studimi të Universitetit Shtetëror të Michiganit të publikuar në Social Science Computer Review, sjellja e individëve në internet ndikon në atë se sa do të jetë personi tërheqës ndaj hakerëve dhe kriminelëve kibernetikë

"Ata që tregojnë shenja të vetëkontrollit të dobët janë më të ndjeshëm ndaj sulmeve me malware", shkroi në hulumtim profesori i kriminalistikës Thomas Holt.

Prirja për blerje impulsive në internet, shkarkimi ilegal i përmbajtjes multimediale apo edhe përdorimi i tepruar i emailave. E gjithë kjo është sjellje që bën që individët e tillë të bëhen grup rreziku për sulme kibernetike.

Sipas Holtit, individët që kanë vetëkontroll më të dobët kanë më shumë të ngjarë të futen në situata më të rrezikshme. Ata janë të prirur të bëjnë hapa të pamenduar dhe aktivitete të ndryshme ilegale.

Cenueshmëria

Interneti i plotfuqishëm ua mundëson individëve me vetëkontroll të dobët që të jenë në gjendje t'i përmbushin dëshirat dhe nevojat e tyre, por gjithashtu nga ana tjetër i bën të cenueshëm.

Gjatë hulumtimit të përmendur, u shqyrtua se si pjesëmarrësit u sollën në situata të caktuara. U shqyrtua gjithashtu se si silleshin kompjuterët e tyre pas një sjelljeje të tillë.

Siç vuri në dukje Holt, hakerët dhe kriminelët kibernetikë e dinë se personat me vetë-kontroll të dobët surfojnë internet në kërkim të gjërave që i duan (ose të paktën mendojnë se i duan). Në çastin kur e kuptojnë se çfarë duan njerëzit, hakerët janë të gatshëm "t'i plotësojnë dëshirat e tyre".

Edhe pse programet e mbrojtjes mund të ndihmojnë në zvogëlimin e rrezikut, më së shpeshti sjellja e vetë përdoruesve është ajo që i bën ata të cenueshëm dhe të ekspozuar ndaj infektimeve dhe komprometimit të të dhënave.

Kjo është arsyeja se pse Holt shpreson që të kuptuarit e anës psikologjike të vetëkontrollit do të ndihmojë në luftën kundër krimit kibernetik. Kjo gjithashtu e përfshin të kuptuarit e llojeve të njerëzve kompjuterët e të cilëve janë më të infektuar me malware (dhe atyre që e përhapin këtë malware më tej).

Nëse ekspertët për siguri kibernetike e kuptojnë sjelljen e përdoruesve, ata mund të përpiqen edhe t'i mbrojnë ata.