Kosova nuk pranon të shkojë në Serbi pa flamur

Kosova nuk pranon të shkojë në Serbi pa flamur

01 mars 2018 08:38

Siç pritej, është komplikuar dukshëm situata lidhur me turneun e grupit të pestë të eliminatoreve evropiane për botërorin e hendbollit për lojtaret deri 20 vjet që mbahet këtë vit. Në këtë grup bëjnë pjesë Kosova, Serbia, Norvegjia e Sllovakia.

Sipas shortit, turneu i këtij grupi është caktuar të mbahet në Serbi, ndërsa së fundi Federata Evropiane e Hendbollit (EHF) ka njoftuar se ndeshjet duhet të luhen në Kragujevc, shkruan sot Koha Ditore.

Por është një kushtëzim i EHF-së që ka komplikuar situatën. Për shkak të ndjeshmërisë së grupit, përkatësisht për shkak të përballjes së Kosovës me Serbinë, EHF-ja ka vendosur që të gjitha ndeshjet të luhen pa simbole nacionale, pra pa himn e flamur të vendeve pjesëmarrëse.

Një kushtëzim i tillë nuk është pranuar nga Federata e Hendbollit e Kosovës dhe është kundërshtuar edhe nga Federata e Hendbollit e Sllovakisë. Turneu duhet të mbahet pas tri javëve, prej 23 deri më 25 mars, por Kosova do të marrë pjesë vetëm nëse i lejohet paraqitja me flamur e himn. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Roki01/03/2018 10:28

Shume ok

Shto koment

Të ngjashme