Ndërsa pati një zhurmë të madhe në St. Gallen me shkarkimin e drejtorit sportiv Alan Sutter, gjërat ishin të qeta në Zvicrën veriperëndimore. FC Baseli filloi përgatitjet për gjysmën e dytë të edicionit pa shumë zhurmë, me një ndeshje miqësore kundër Bayernit të planifikuar për të shtunën në stadiumin “St. Jakob-Park”. Megjithatë, gjërat u bën më të zhurmshme pas Krishtlindjes. Transferimi i Benjamin Kolollit shkaktoi stuhi. Arsyeja nuk ishte e kaluara me Zuerichun e Laussanen, por deklarata e tij në vitin 2017. Menjëherë pasi arbitri i atëhershëm i Superligës, Pascal Erlachner, foli për herë të parë publikisht për homoseksualietin e tij, Kololli dha opinionin e tij për “Blick”. Përgjigjja e sulmuesit të krahut kishte ngjallur reagime të shumta.
“Shpresoj që jo, por është e mundur. Nëse po, atëherë duhet ta mbaj për vete. Mund të krijoj konflikte pasi ne bëjmë dush së bashku”, kishte vazhduar Kololli.
Tani, Kololli foli për herë të parë publikisht për fjalët e tij që i kishte thënë në atë kohë. Ai tha për “Basler Zeitung” se nuk priste reagime aq të dhunshme.
“Unë nuk jam një homofob, unë jam një person i mirë. Kushdo që më njeh, e vëren menjëherë”, tha 31-vjeçari. “Unë mund të kërkoj falje vetëm nëse dikush është ndierë i lënduar nga unë”.
Por si erdhi deklarata e tij? Kjo është përgjigja e Kolollit. “Isha i ri dhe mund të shprehesha më mirë. Por nëse e kupton mirë frëngjishten, atëherë mendoj se e di që nuk kisha ndërmend asgjë të keqe”, është shprehur Kololli.
Ajo që ai thotë është e qartë sot, por që ai e ndjente tashmë në atë kohë: ngjyra e lëkurës, kombësia, feja apo seksualiteti i një personi nuk do të bënte aspak ndryshim për të personalisht.
“Ne jemi të gjithë për të punuar dhe luajtur futboll – dhe kjo temë nuk duhet të luajë një rol”, insistoi Kololli.
Benjamin Kololli tani dëshiron të tërheq vëmendjen te vetja, veçanërisht përmes arritjeve të tij sportive. Ai u transferua nga Shimizu S-Pulse i divizionit të dytë japonez në Basel. Në fakt, Kololli iu bashkua Baselit si lojtar i lirë. Në Zvicër ka luajtur për herë të fundit për Zuerichin dhe më parë për Laussanen. Nga kjo kohë futbollisti e njeh edhe trajnerin Fabio Celesini. Ndërsa koha e tij në Japoni nuk ishte aq e suksesshme, Kololli padyshim la gjurmë në Zvicër. Në 150 ndeshje ai shënoi 42 gola dhe asistoi 27 herë.
“Mendoj se jam në formë. Kam bërë teste dhe vlerat ishin të mira. Dhe po, është e vërtetë, pothuajse nuk kam pasur ndonjë lojë kohëve të fundit, por ne jo vetëm që u stërvitem intensivisht në Japoni, por luajtëm edhe disa ndeshje testuese gjatë sezonit”.
Ai mezi pret të punojë me Celestinin, me të cilin ka raporte shumë të mira.
“Ne kemi qëndruar gjithmonë në kontakt pas Lozanës; për shembull, gjithmonë i kam shkruar kur e kam ndërruar klubin”.
LEXO EDHE: