Jordan Teze ka shënuar gol në minutën e 96-të për barazimin 2:2 të PSV Eindhovenit ndaj Sevillas.
Ndeshja në Eindhoven të Holandës ishte dramatike, ndërsa u shënuan katër gola të vonshëm.
Sevilla kaloi në epërsi 1:0 me golin e Ivan Gudelit në minutën e 68-të.
Për 1:1 shënoi Luuk de Jong nga pika e bardhë në minutë e 86-të.
Sevilla kaloi në epërsi menjëherë në minutën e 87-të, kur realizoi Youssef En-Nesyri. Por drama nuk përfundoi. Në kohën shtesë Teze realizoi për 2:2, përkatësisht për ndarjen e pikëve.
Ndeshja i takoi Grupit B të Championsit.
Sevilla është e treta me dy pikë nga dy ndeshje. Për PSV-në ishte pika e parë.
© KOHA. Të gjitha të drejtat janë të rezervuara.
