Pak kohë pasi u kthye nga lëndimi, Armando Broja ka pësuar tjetër lëndim.
Të hënën mbrëma, sulmuesi 22-vjeçar kontribuoi me gol në fitoren e Chelseat ndaj Fulhamit. Chelsea e fitoi 2:0 ndeshjen e xhiros së shtatë të Premier Leagues.
Reprezentuesi i Shqipërisë startoi dhe shënoi për 2:0 në minutën e 19-të, pasi një situatë ku atë e shoqëroi fati. Vetëm një minutë më herët gol për Chelsean shënoi Mukhailo Mudryk.
Për ukrainasin ishte goli i parë për Chelsean. Për Brojën ishte ndeshja e tretë pas kthimit nga lëndimi që e mbajti jashtë fushës që nga 11 dhjetori i vitit të kaluar. Golin e fundit e kishte shënuar më 8 tetor të vitit të kaluar.
Në ndeshjen ndaj Fulhamit, Broja la fushën në minutën e 65-të, pasi mori trajtim mjekësor. Nga fusha u largua ngadalë dhe dyshohet për një tjetër lëndim të sulmuesit shqiptar. Me fitore, Chelsea doli në pozitën e 11-të me tetë pikë.
22:27
Lëndohet Broja
Armando Brojën nuk po e përcjell fati.
Pak kohë pas kthimit nga lëndimi, sulmuesi i Shqipërisë është lënduar sërish.
Ai ka lënë fushën në minutën e 65-të në ndeshjen e Chelseat ndaj Fulhamt. Broja shënoi golin e dytë në minutën e 19-të.
21:25
Broja shënon gol për Chelsean
Chelsea po udhëheq 2:0 ndaj Fulhamit në ndeshjen e xhiros së shtatë të Premier Leagues.
Armand Broja ka shënuar golin e dytë në minutën e 20-të. Topi goditi këmbën e Brojës dhe përfundoi në rrjetë dhe goli iu evidentua sulmuesit shqiptar.
