Granada mposht Mallorcan, Uzuni konkretizon penalltinë e Muriqi jo
21:34
Granada mposht Mallorcan, Uzuni konkretizon penalltinë e Muriqi jo
Granada ka mposhtur Mallorcan 3:2 në xhiron e tretë të La Ligas në Spanjë, në një ndeshje ku ndër fytyrat kyçe ishin dy sulmuesit shqiptarë, Myrto Uzuni dhe Vedat Muriqi.
Uzuni realizoi golin e tretë të Granadas në minutën e 70-të. Ai shënoi nga penalltia. Para tij te Granada shënuan dhe Miguel Rubio e Bryan Zaragoza.
Për dallim nga Uzuni që konkretizoi penalltinë, këtu dështoi Muriqi. Ai pati rastin që të barazonte rezultatin në minutën e 18-të, por gjuajtja e tij nga penalltia u ndal nga shtylla. Për Mallorcan golat i shënuan Abdon Prats dhe Samuel Costa.
Për Uzunin dhe Granadan ishte fitorja e parë këtë edicion, ndërsa Mallorca është ende me vetëm një pikë.
21:07
Uzuni realizon ndaj Mallorcas
Sulmuesi shqiptar, Myrto Uzuni ka realizuar gol për Granadan përballë Mallorcas së Vedat Muriqit.
Uzuni shënoi nga penalltia në minutën e 70-të për rezultatin 3:1.
Më herët gjatë ndeshjes, Muriqi humbi penallti për Mallorcan.
20:02
Muriqi humb penalltinë
Sulmuesi kosovar, Vedat Muriqi, ka humbur rast ideal për ta barazuar rezultatin në ndeshjen që skuadra e tij, Mallorca po e zhvillon me Granadan në La Ligan spanjolle.
Shtatgjati qëlloi shtyllën kur gjuajti nga penalltia në minutën e 18-të.
