Mbrojtësi i krahut të majtë, Raphael Guerreiro, do të jetë përforcimi i parë i Atletico Madridit për edicionin e ri. “AS” ka raportuar të hënën se futbollisti portugez do të prezantohet tek Atletico gjatë muajit të ardhshëm. 29-vjeçari te skuadra spanjolle do të transferohet si lojtar i lirë, pasi i skadon kontrata me Borussia Dortmundin dhe do të firmosë kontratë trevjeçare me Atleticon.
Guerreiro ka refuzuar rinovimin e kontratës me Dortmundin dhe tek Atletico po shihet si opsion i mirë për mbrojtjen.
Ai prej vitit 2016 ka qenë pjesë e ekipit gjerman, ndërsa ka edhe 63 paraqitje e 4 gola të shënuar për Portugalinë.
Në edicionin e fundit portugezi pati 6 gola e 14 asistime në të gjitha garat për Borussia Dortmundin.
