Sport

Dukagjini kërkon fitore ndaj Malishevës për të mbajtur gjallë “ëndrrën evropiane”

 

Te Dukagjini janë të vendosur që deri në fund të këtij edicioni të luftojnë për pozitën e katërt në Superligën e Kosovës në futboll, e cila pritet të sigurojë pjesëmarrjen në garat evropiane. Për t’i mbajtur gjallë shpresat për dalje në Evropë për herë të parë në histori të klubit, Dukagjini duhet ta mposhtë skuadrën e Malishevës.

Dueli mes Dukagjinit dhe Malishevës zhvillohet të shtunën prej orës 15:00, në stadiumin “13 Qershori” në Klinë dhe i takon xhiros së 33-të të elitës së futbollit kosovar. Dukagjini aktualisht zë vendin e pestë në tabelë me 41 pikë, dy më pak se Prishtina që është e katërta. Ndërkohë, Malisheva është larguar paksa nga zona e rënies pas një serie të mirë në ndeshjet e fundit. Ka tubuar 39 pikë dhe renditet e shtata në tabelë. Kjo pozitë siguron mbetjen në elitë.