Ka përfunduar pa gola pjesa e parë ndërmjet Llapit dhe Dritës. Kjo ndeshje po luhet në stadiumin “Zahir Pajaziti” në Podujevë dhe i takon xhiros së 33-të të Superligës së Kosovës në futboll.
Edhe pse rrjetat mbeten të paprekura gjatë 45 minutave të para, Llapi pati rastin më të mirë për të zhbllokuar rezultatin.
Në minutën e 20-të, Festim Alidema dështoi nga penalltia duke gjuajtur jashtë.
15:24
Alidema humb penalltinë për Llapin
Skuadra e Llapit nuk ka shfrytëzuar mundësinë e artë për të avancuar ndaj Dritës në ndeshjen që po luhet në stadiumin “Zahir Pajaziti” në Podujevë.
Në minutën e 20-të, u akordua penallti për Llapin, por nga pika e bardhë dështoi Festim Alidema. Ai gjuajti jashtë portës dhe shpërdoroi mundësinë që ta kaloj ekipin e tij në epërsi.
Penalltia u dha pasi u rishikua në VAR, ku Besnik Krasniqi e preku topin me dorë brenda zonës pas gjuajtjes së sulmuesit të Llapit, Bianor Neto.
