Përfaqësuesja e Kosovës në futboll të sallës (futsall) e ka mbyllur në vend të katërt turneun që u organizua në Poreç të Kroacisë.
Përveç Kosovës, pjesëmarrëse ishin edhe Sllovenia, Turqia dhe Mali i Zi.
Kosova u mposht në ndeshjen e parë nga Sllovenia, ndërsa duelin e dytë që u zhvillua të shtunën me Malin e Zi, e mbylli 4:4 kohën e rregullt por u mposht në penallti.
Fejza Kastrati dhe Yll Mazrekaj shënuan nga dy gola secili.
Ishte turne ku u provuan lojtarë të rinj nga selektori Agon Ramadani.
