Barazim dramatik i Unitedit me eksperten e Ligës së Evropës

Manchester Unitedi ka barazuar me eksperten e Ligës së Evropës, Sevillan, në çerekfinalen e parë të Ligës së Evropës. “Djajtë e kuq” të enjten mbrëma në “Old Trafford” barazuan me rezultatin 2:2, me skuadrën që mban rekordin me më së shumti trofe të garës së dytë më të rëndësishme të organizuar nga UEFA.

Të dy golat për skuadrën vendëse i shënoi austriaku Marcel Sabitzer, në pjesën e parë, ndërsa barazimi erdhi me dy autogola në fund të ndeshjes. Sabitzer golin e parë e realizoi në minutën e 14-të me asistim të Bruno Fernandesit. Golin e dytë e shënoi në minutën e 21-të kur bashkëveproi me Anthony Martialin.

Sevilla që është gjashtë herë fituese e Ligës së Evropës, rezultatin e ngushtoi me autogolin e Tyrell Malacias, pesë minuta para fundit të ndeshjes. Për të kthyer fundin në dramë të vërtetë, Sevilla barazoi rezultatin në 2:2 në minutën e tretë të kohës shtesë. Sërish me një autogol, por tani të Harry Maguiret.

Tani synon përmbysjen e rezultatit në ndeshjen kthyese që zhvillohet pas një jave në Spanjë.

Manchester Unitedi po avancon ndaj Sevillas pas pjesës së parë në kuadër të Ligës së Evropës. Në duelin e parë çerekfinal të kësaj gare, ekipi anglez është në epërsi më rezultatin 2:0.

Unitedi ka shënuar dy gola të shpejtë në fillim të pjesës së parë për të shkuar në pushim me dy gola avantazh. Të dy golat për Unitedin, i ka shënuar mesfushori Marcel Sabitzer.

Fillimisht, ai zhbllokoi rezultatin në minutën e 15-të pas asistimit të Bruno Fernandesit, ndërsa gjashtë minuta më vonë realizoi edhe golin e dytë. Këtë herë asistues ishte Antony Martial.

Ndërkohë, në dy ndeshjet tjera të kësaj faze që po luhen në të njëjtën kohë: Bayer Leverkusen – Union St. Gillosie dhe Juventus – Sporting nuk ka gola pas pjesës së parë.

© KOHA. Të gjitha të drejtat janë të rezervuara.