Stephen Curry ka shënuar 39 pikë për ta ndihmuar skuadrën Golden State Warriors të fitojë në shtëpi kundër New Orleans Pelicans.
Golden State triumfoi me rezultatin 120:109 dhe e kaloi Minnesota Timberwolvesin për të dalë në vendin e gjashtë dhe në vendin që dërgon në plejofin e Konferencës së Perëndimit.
Curry shënoi plot tetë herë nga vija për tri pikë, ndërsa “luftëtarët” përmbysën disavantazhin e 20 pikëve për të triumfuar në San Francisco.
Bashkëlojtari i Curryt, Klay Thompson, shënoi pesë trepikësha, ndërsa pati 17 pikë gjithsej.
Në ndeshjet e tjera, Desmond Bane realizoi 31 pikë, kurse Memphis Grizzlies, që është në vendin e dytë në Konferencën e Perëndimit, e vazhdoi serinë e fitoreve në shtatë ndeshje.
Grizzlies fitoi 113:108 ndaj Orlando Magic.
Në Konferencën e Lindjes, Boston Celtics e humbi mundësinë ta kalonte Milwaukee Bucksin në vendin e parë dhe humbi 130:111 nga Washington Wizards.
Atlanta Hawks vazhdon të shpresojë për një vend që dërgon në plejof.
Aktualisht zë pozitën e tetë, ndërsa në duelin e fundit fitoi përballë Cleveland Cavaliers, 120:118.
© KOHA. Të gjitha të drejtat janë të rezervuara.
