Austria ka shënuar fitore me përmbysje të rezultatit ndaj Estonisë në Linz. Austria shënoi fitore ndaj estonezëve me rezultatin 2:1, ndonëse pjesën e parë e mbylli ne disavantazh 1:0.
Kjo ndeshje i takoi Grupit F kualifikues për Euro 2024.
Golin e epërsisë e realizoi Rauno Sappinen në minutën e 25-të. Por, austriakët në minutën e 68-të barazuan rezultatin. Florian Kainz shënoi golin e barazimit. Fitoren austriakët e arritën në fundin e ndeshjes. Michael Gregoritsch shënoi në minutën e 88-të golin e fitores së dytë. Me këtë fitore Austria është e para me gjashtë pikë e përcjellë nga Belgjika me nga tri pikë. Estonia dhe Azerbajxhani mbeten pa pikë.
21:46
Austria në disavantazh pas pjesës së parë
Austria e ka mbyllur me disavantazh pjesën e parë të ndeshjes ndaj Estonisë. Estonia po fiton 1:0 në Linz kundër Austrisë, në ndeshjen që i takon grupit F të kualifikimeve për Euro 2024. Golin e epërsisë e realizoi Rauno Sappinen në minutën e 25-të.
Ndërkohë, Suedia pjesën e parë e mbylli me epërsi minimale, 1:0 ndaj Azerbajxhanit.
Për Suedinë shënoi Emil Forsberg. Ai realizoi në minutën e 38-të.
