Sevilla spanjolle ka pësuar disfatë në duelin kthyes të 1/8 së finales së Ligës së Evropës, por e ka siguruar kualifikimin tutje.
Sevilla të enjten mbrëma u mposht në udhëtim te Fenerbahçe me rezultatin 1:0, por fitorja 2:0 në Andaluzi, ka bërë që të kalojë në fazën tjetër të garës.
Golin e vetëm për skuadrën turke e shënoi sulmuesi 33-vjeçar Enner Valencia nga penalltia, në minutën e 41-të.
Sevilla është eksperte e kësaj gare.
E ka fituar Ligën e Evropës gjashtë herë dhe është në rrugë të mirë për ta fituar sërish trofeun e garës së dytë më të rëndësishme të organizuar nga UEFA, në nivel ekipor.
