Muriqi zgjedh tifozin nga Kosova për t’ia dhënë fanellën
Futbollisti i Mallorcas, Vedat Muriqi, ka zgjedhur një tifoz nga Kosova për t’ia dhuruar fanellën pas ndeshjes që ekipi i tij e zhvilloi të shtunën ndaj Espanyolit.
“Është nga vendi im”, dëgjohet të ketë thënë ai si arsyetim para tifozëve të tjerë që ia kërkonin fanellën lojtarit që po shkëlqen në La Liga.
Muriqi realizoi golin e dhjetë këtë edicion. Megjithatë, Mallorca pësoi humbje 2:1 në xhiron e 23-të.
Në një video që po qarkullon në Twitter dëgjohen kërkesat e tifozëve që ia kërkojnë fanellën Muriqit. Megjithatë ai zgjedh një dhe të tjerëve ua shpjegon se tifozin e ka bashkëvendas.
