FC Drita me projekt milionësh, synon Evropën

FC Drita me projekt milionësh, synon Evropën

04 August 2017 19:57

Drita nga Gjilani, aktualisht është ndër klubet më të organizuara në futbollin e Kosovës, dhe synon të jetë edhe në vitet e ardhshme.

Drejtuesit e bardhekaltërve, kanë miratuar projektin për tri vitet në vazhdim, i cili kap shifrën e rreth 2 milionë eurove.

Në një intervistë për Sportin në KTV, drejtori i Dritës, Fisnik Kërçeli, ka zbuluar projektin e madh që ka klubi nga Anamorava, në krye me presidentin Valon Murseli.

Brenda një viti sipas drejtorit të klubit bardhekaltër, në Dritë janë investuar rreth 1 milionë euro nga presidenti Murseli, i cili i ka biznese të mëdha në Zvicër dhe Dubai, transmeton KTV.

Përveç harxhimeve të mëdha për të përforcuar skuadrën, Drita synon ta forcojë akademinë dhe të ndërtojë një kompleks sportiv.

Në këtë afat kalimtar, Drita ka transferuar 11-të lojtarë, secili më i mirë se tjetri dhe sipas drejtori Kërçeli, ka qenë vetëm një lojtarë më të cilin nuk kanë mundur të nënshkruajnë kontratë.

Në fund, Kërçeli deklaroi se Drita do të luajë me 12-të lojtarë duke aluduar në tifozët “Intelektualët” dhe sipas tij, synojnë që të rrëmbejë titullin e kampionit ose Kupën e Kosovës, në mënyrë që vitin tjetër të marr pjesë në garat evropiane.

© KOHA. Të gjitha të drejtat janë të rezervuara.

Komentet

Shto koment

Të ngjashme