Nora Gjakova lufton për medalje në Mastersin e xhudos në Jerusalem. Në repesazh të kategorisë deri 57 kilogramë, Nora e mposhti britaniken Lele Nairne.
Ndaj saj Nora ka dominuar plotësisht. Fillimisht realizoi hedhje për uazari, e më pas hedhje mjeshtërore për Ippon.
Për medalje të bronztë, Nora Gjakova përballet me Mimi Huh nga Koreja e Jugut.
Nora ka dy fitore e një humbje deri më tani.
13:16
Nora Gjakova në repesazh
Nora Gjakova e kërkon përmes repesazhit medaljen e bronztë në Mastersin e xhudos në Jerusalem.
Nora në xhiron e parë ishte e lirë, ndërsa në të dytën e kaloi polaken Julia Kowalczyk.
Ndërkohë në çerekfinale humbi nga francezja Sarah Leonie Cysique.
Cysique herët realizoi aksion për uazari, ndërsa Nora me gjithë përpjekjet nuk fitoi pikë.
Në repesazh në kategorinë deri 57 kg, Nora takohet me Lele Nairne të Britanisë së Madhe.
