Sulmuesi i Kroacisë, Bruno Petkoviq, e shënoi golin e barazimit kundër Brazilit në çerekfinale të Botërorit në minutën e 117-të.

Petkoviqi e quajti si golin më të mirë në karrierën e tij.

Por vetëm katër vjet më parë, Petkoviqi nuk ishte as afër Përfaqësueses së Kroacisë.

Ai stërvitej me klubin e Bolognas, derisa Kroacia po luante në finale të Botërorit kundër Francës.

“Në vitin 2018, unë isha në përgatitje me Bolognan dhe e shikoja Kroacinë. Në atë kohë, isha sulmuesi i 78-të i Kroacisë”, ka thënë Petkoviq të dielën në një konferencë për shtyp.