Ndeshja dramatike e katërt e çerekfinales së Kupës së Botës e zhvilluar në stadiumin “Al Bayt” në Al Khor, i ka takuar francezëve.
Franca, fituese në fuqi e Kupës së Botës, triumfoi të shtunën mbrëma kundër Anglisë me rezultatin, 2:1.
Francezët me këtë triumf do të luajnë në gjysmëfinale të mërkurën kundër Marokut, që gjatë ditës eliminoi Portugalinë.
Aurelien Tchouameni shënoi gol të bukur për epërsinë e francezëve në minutën e 17-të.
Megjithatë, Harry Kane shënoi nga penalltia në minutën e 54-t.
Në momentet e mira të Anglisë, Franca ishte ajo që shënoi golin e fitores.
Olivier Giroud në minutën e 78-të ishte i saktë me kokë nga afërsia, por që u ndihmua edhe nga një devijim i mbrojtësit Harry Maguire.
Kapiteni i Anglisë, Kane, e pati një mundësi tjetër të artë në minutën e 84-t nga penalltia, por gjuajti mbi portë.
Anglia u mundua deri në fund t’i barazonte shifrat, por ndeshja u mbyll 2:1 në të mirë të Francës.
Kane humb penalltinë, Franca mbetet në epërsi
Harry Kane e ka humbur penalltinë dhe mundësinë për ta barazuar rezultatin ndaj Francës.
Kane dështoi nga 11-metërshi në minutën e 83-të. E gjuajti topin larg portës.
Franca kthen epërsinë
Franca e ka kthyer epërsinë ndaj Anglisë 12 minuta parafundit.
Shënoi Olivier Giroud (78’) me kokë, pas krosimit të Griezmannit.
Barazon Anglia
Anglia e ka barazuar rezultatin 1:1 ndaj Francës me të nisur pjesa e dytë.
Shënoi Harry Kane nga penalltia në minutën e 52-të.
Franca në epërsi pas pjesës së parë
Franca e ka mbyllur me epërsi pjesën e parë ndaj Anglisë.
Vendosi goli i Aurelien Tchouamenit në minutën e 17-të.
Por Anglia ka pasur raste shumë të mira për ta barazuar rezultatin.
Fituesi takohet me Marokun në gjysmëfinale.
Franca në epërsi, supergol i Tchouamenit
Franca ka kaluar në epërsi me supergolin e Aurelien Tochouamenit.
Ylli i Real Madridit shënoi nga larg zonës në minutën e 17-të.
Nis ndeshja Anglia - Franca
Ka nisur ndeshja e fundit çerekfinale e Kupës së Botës mes Anglisë dhe Francës.
Takimi po zhvillohet në stadiumin “Al Bayt”.
Fituesi i këtij takimi luan me Marokun në gjysmëfinale.
