Louis van Gaal është larguar nga posti i përzgjedhësit të Holandës pas disfatës që e pësoi nga Argjentina në penallti në çerekfinale të Botërorit.

Ikona e Holandës u kthye në krye të skuadrës për herën e tretë në gusht të vitit të kaluar duke e zëvendësuar Ronald Koemanin.

Pikërisht Koeman pritet të zyrtarizohet në krye të Holandës, për nisjen e përgatitjes së skuadrës për “Euro 2024”.

“Fillimisht, dua të them se nuk do të vazhdojë. E kam bërë këtë punë vetëm për këtë periudhë kohore. Kjo ishte ndeshja e fundit dhe hera e tretë në krye të përfaqësueses”, ka thënë Van Gaal në konferencën për shtyp pas eliminimit nga Argjentina.

“Kam udhëequr skuadrën në 20 ndeshje dhe nuk e kemi humbur asnjë. Nuk e di se sa i kemi fituar, por mund të kërkoni në ‘Google’, ‘Louis van Gaal, ekipi i Holandës’, dhe mund ta shihni vetë goldallimin. Mendoj se ka qenë rrugë pozitive. Me Anglinë ishim të vetmit pa disfatë, bashkë me Kroacinë dhe Marokun. Nuk mendoj se duhej të mposhteshim në penallti. Po lë prapa një grup fantastik”, ka thënë Van Gaal.

Në muajin prill, Van Gaal pati një kancer agresiv në prostatë, të cilin ai e kaloi me sukses.

Van Gaal nuk ka pësuar asnjë disfatë në lojë të rregullt dhe vazhdime me Holandën, por është eliminuar dy herë nga Botërori.

Në të dy rastet u mposht me penallti nga Argjentina.