Tite u kundërpërgjigjet kritikave të vallëzimit të tyre

Brazilianët dëshirojnë t’i vazhdojnë vallëzimet në Kupën e Botës. Brazili dhe Kroacia takohen të premten në ndeshjen që siguron më pas kalimin në gjysmëfinale. Ky ballafaqim nis në orën 16:00.

Vetë përzgjedhësi i Brazilit, Tite, është parë duke vallëzuar me lojtarët tjerë të Brazilit në fitoren 4:1 kundër Koresë së Jugut në një të tetën e finales të hënën. Ish-mesfushori i Manchester Unitedit, Roy Keane, ishte prej atyre që kritikoi brazilianët për vallëzimin.