Sport

Turpërimi i gazetarit të televizionit austriak lidhur me Shaqirin dhe Xhakën

Xherdan Shaqiri - Granit Xhaka

Vazhdon të jetë shumë aktuale ndeshja e Zvicrës me Serbinë, përkatësisht paraqitja e Granit Xhakës dhe Xherdan Shaqirit. Mediat serbe të hënën kanë publikuar një deklaratë qesharake të një gazetari të televizionit austriak, ORF, para ndeshjes së Zvicrës me Serbinë.

Zvicra, falë shkëlqimit të Shaqirit dhe Xhakës, shënoi fitore ndaj Serbisë dhe i dërgoi serbët në shtëpi.

Gazetari austriak ka lënë të kuptohet se Xhaka e Shaqiri po luajnë ndaj vendit të prejardhjes së tyre, duke treguar amatorizëm të skajshëm. Shaqiri është i lindur në Kosovë, ndërsa Xhaka është i lindur në Zvicër, por është nga Kosova. Dhe asnjëri nuk kanë të bëjnë asgjë me Serbinë, pos që e turpërojnë dy herë rresht në skenën më të madhe – në Kupën e Botës.

“Në rast se Granit Xhaka apo Xherdan Shaqiri sot shënojnë gol, ndoshta marrin shembull bashkëlojtarin Breel Embolo. Ai, pas golit që shënoi kundër vendit ku u lind, Kamerunit, kërkoi falje”, tha komentatori plotësisht i painformuar i televizionit austriak, ORF.

Këtë deklaratë të televizionit austriak e ka publikuar të hënën sajti serb, sportal.rs. “Shuplakë e madhe për Xhakën dhe Shaqirin në emisionin ‘live’. Kundër shtetit ndaj të cilit kanë lindur duhet ndryshe”, është titulli ëndërrimtar i mediumit serb.