Sport

Anglia në çerekfinale, fiton bindshëm ndaj Senegalit

Anglia nuk ka pasur telashe për të zënë vend në çerekfinale të Kupës së Botës në Katar.

Në kuadër të një të tetës së finales, Anglia fitoi bindshëm dhe relativisht lehtë ndaj Senegalit. 3:0 ishte rezultati në fund të ndeshjes në stadiumin “Al Bayt” në Al Khor. Anglezët kanë shënuar golat nga aksione të bukur. Dhe çështjen e fituesit thuajse e mbyllën në pjesën e parë. Ndeshja nuk ishte prej atyre të nivelit më të lartë në Botëror, por Anglia bëri aq sa i duhej për të fituar bindshëm.

Për 1:0 shënoi Jordan Henderson. Ai realizoi në minutën e 38-të pas asistimit të Jude Bellinghamit.

Për 2:0 shënoi kapiteni Harry Kane, në minutën e tretë të kohës shtesë në pjesën e parë. Phil Foden ishte asistues. Foden asistoi edhe në golin e tretë, të cilin e shënoi Bukayo Saka në minutën e 57-të.

Anglia kishte tetë tentime për gol, ndërsa Senegali i kishte dhjetë. Por përfaqësuesja afrikane e kishte vetëm një gjuajtje në kornizë të portës, derisa Anglia i kishte katër. Në çerekfinale, Anglia takohet me kampionen në fuqi të botës, Francën. Ndeshja luhet po ashtu në stadiumin “Al Bayt”, më 10 dhjetor.


Anglia po shkon drejt fitores bindëse ndaj Senegalit në 1/8 e finales në Botërorin në Katar.

Për 3:0 shënoi Bukay Saka në minutën e 57-të.

Ai goditi mjeshtërisht pasi mori top në zonë.


Anglia po udhëheq 2:0 ndaj Senegalit.

Është kapiteni Harry Kane që shënoi gol të bukur në kohën shtesë të pjesës së parë.

Për Kanen është goli i parë në Botërorin në Katar. Me rezultatin 2:0 përfundoi pjesa e parë.


Anglia në epërsi Anglia ka kaluar në epërsi në ndeshjen ndaj Senegalit.

Për 1:0 shënoi Jordan Henderson në minutën e 39-të.

Jude Bellingham gjeti në zonë Hendersonin, që gjuajti saktë për golin e parë në ndeshje.


Ka filluar ndeshja e katërt e një të tetës së finales e Botërorit “Katari 2022”. Po takohen Anglia e Senegali.

Anglia vlerësohet favorite, por rastin e kërkon edhe Senegali.

Fituesi i kësaj ndeshje në çerekfinale takohet me Francën.