Sport

Brazili me ndryshime në ekip, Kameruni ëndërron mbijetesën në Botëror

 

Ende pa Neymarin dhe tashmë me vendin e siguruar në 1/8 e finales, Brazili do ta përdorë ndeshjen e fundit të grupit në Kupën e Botës për t’iu dhënë hapësirë rezervistëve. Trajneri i Brazilit, Tite do të bëjë ndryshime pothuajse në çdo pozitë për ndeshjen kundër Kamerunit, të premten, në të cilën i mjafton barazimi për ta konfirmuar vendin e parë në Grupin G.

Ndeshja që nis në orën 20:00, do të thotë më shumë për Kamerunin, i cili ka nevojë për fitore që t’i mbajë shpresat gjallë për avancim nga grupi. Ka gjasa që as fitorja të mos i kryejë punë, pasi gjithçka do të varet nga rezultati i ndeshjes tjetër, mes Zvicrës dhe Serbisë.