Gerardo Martino më nuk është trajner i Përfaqësueses së Meksikës. Largimi i Martinos ka ardhur pak orë pas eliminimit të Meksikës nga faza e grupeve në Kampionatin Botëror. Meksika në ndeshjen e fundit të Grupit C, e mposhti Arabinë Saudite por nuk arriti të avancojë në 1/8 e finales.
Martino ka marrë përgjegjësinë e eliminimit të Meksikës që tuboi vetëm katër pikë dhe ka thënë se kontrata e tij ka përfunduar menjëherë pas ndeshjes me Arabinë Saudite.
Martino ka qenë në krye të Meksikës prej vitit 2019 dhe ka falënderuar të gjithë për bashkëpunimin. Meksika në shtatë paraqitjet e fundit në Kupën e Botës kishte avancuar përtej fazës së grupeve, përpara se të ndalet në turneun e Katarit.
