Pas interesimit të Real Madridit dhe Liverpoolit, drejtuesit e Tottenhamit i kanë caktuar çmimin sulmuesit Son Heung-min.
Për ta lënë të lirë jugkoreanin në fund të këtij sezonit, Tottenhami po kërkon hiq më pak se 70 milionë euro. Son është njëri prej sulmuesve më të dalluar në Premier League dhe te Tottenhami janë të gatshëm ta shesin për shumën që po e kërkojnë.
30-vjeçari ka kontratë me Tottenhamin deri në vitin 2025, ndërsa është pjesë e klubit prej vitit 2015 kur iu bashkua nga Bayer Leverkuseni. Këtë edicion, Son ka shënuar pesë gola dhe ka asistuar dy herë në 18 paraqitje në të gjitha garat.
