Me Erling Haalandin që shënon gola vazhdimisht për Manchester Cityn kanë nisur edhe debatet nëse ai mund të thyejë rekorde të tjera në këtë edicion.

Norvegjezi ka kaluar rekorde të ndryshme në Premier League, Ligën e Kampionëve dhe te Manchester City po ashtu.

Por ka edhe statistika të tjera të veçanta në futboll sa u përket golave të shënuar. Është totali i shënimeve brenda një viti kalendarik, ndër të tjera.

Në fakt ky nuk është rekord që njihet zyrtarisht nga FIFA.

Lionel Messi në vitin 2012 kishte shënuar 91 gola, ndërsa Libri i “Guinnessit” e njeh këtë të arritur të argjentinasit. Messi realizoi 79 herë për Barcelonën, ndërsa shtoi edhe 12 gola të tjerë për Argjentinën.

I dyti në këtë listë është Gerd Mueller, ikona e Bayern Munichut dhe Gjermanisë, që kishte shënuar 85 gola, ndërsa podiumin e plotëson Pele me 75 gola të shënuar përgjatë një viti kalendarik.