City shkatërron Unitedin

Manchester City ka shkatërruar Manchester Unitedin në derbin e qytetit, në ndeshjen ku u shënuan plot nëntë gola.

Të dielën gjatë ditës, City mposhti Unitedin me rezultatin 6:3, në kuadër të xhiros së nëntë të Premier Leagues.

Erling Haaland dhe Phil Foden shënuan golat e fitores për “qytetarët”.

Sulmuesi norvegjez dhe ai anglez, shënuan nga tre gola secili.

Foden e hapi serinë e golave në minutën e tetë, ndërsa dy golat e radhës, në minutën e 34-rt dhe tre minuta më pas, realizoi shtatlarti Haaland.

Foden e shënoi edhe një tjetër në minutën e 44-rt, për ta dërguar skuadrën e tij në epërsi prej katër golave.

Në minutën e 56-të, Antony i Unitedit e ngushtoi epërsinë, por në minutën e 64-rt, Haaland e kompletoi tregolëshin.

Në minutën e 73-të, Foden po ashtu e kompletoi “hat-trickun” për një fund më të qetë.

Në minutën e 84-rt dhe të parën shtesë, Anthony Martial shënoi dy gola për rezultatin final, 6:3.

City, që mbetet skuadra e vetme e pamposhtur në Angli deri tani, i afrohet në një pikë Arsenalit që prinë në tabelë me 21 pikë gjithsej.

Unitedi në vendin e gjashtë ka 12 pikë.

Pas Erling Haalandit, tre gola në takimin derbi ndërmjet Manchester Cityt dhe Manchester Unitedit, ka shënuar edhe Phil Foden. 

Foden golin e tretë personal dhe të gjashtin për skuadrën e Cityt në derbin e Manchesterit, e shënoi në minutën e 73-të. 
Asistues ishte Haalandi.

Erling Haaland ka kompletuar një tjetër tregolësh me skuadrën e Manchester Cityt. 

Sulmuesi norvegjez realizoi golin tretë në derbin e Manchesterit, kundër Unitedit, në minutën e 65-të të ndeshjes. 

Manchester City është duke fituar ndaj Manchester Unitedit me rezultatin e thellë, 5:1.

Manchester City është duke e shkatërruar Manchester Unitedin në derbin e xhiros së tetë të Premier Leagues së Anglisë.

Pjesa e parë e ndeshjes që po zhvillohet në stadiumin “Etihad” ka përfunduar me epërsi 4:0 të Cityt.

Phil Foden (8’, 44’) dhe Erling Haaland (34’, 38’) kanë shënuar nga dy gola për Cityn.

Golat: 

https://dubz.co/v/z44z06

https://dubz.co/v/g445my

https://dubz.co/v/c3fmpc

https://dubz.co/v/ma3d6m

Phil Foden ka shënuar golin e epërsisë për Manchester Cityn në derbin ndaj Manchester Unitedit.

Foden realizoi në minutën e 8-të pas asistimit të Bernardo Silvas.

Ndeshja po zhvillohet në stadiumin “Etihad” dhe i takon xhiros së tetë të Premier Leagues së Anglisë.

https://dubz.co/v/z44z06

© KOHA. Të gjitha të drejtat janë të rezervuara.