Sport

Ballkani kthehet me fitore në Suharekë

 

Kampioni i Kosovës në futboll, Ballkani, ka shënuar fitore të rëndësishme në ndeshjen e xhiros së nëntë të Superligës së Kosovës në futboll. Në ndeshjen e parë të edicionit të zhvilluar në Suharekë, Ballkani mposhti Gjilanin me rezultatin 2:0, me nga një gol në secilën pjesë. Suharekasit për shkak të punimeve në stadiumin e qytetit nuk kishin luajtur në shtëpinë e vet për një kohë të gjatë.

Ndeshjet i kanë zhvilluar në Prishtinë e Drenas. Epërsinë e parë në ndeshje, Ballkani e arriti në fundin e pjesës së parë. Ish-mbrojtësi i suharekasve, tani i Gjilanit, Arbër Prekazi, realizoi autugol. Ndërkohë, goli i dytë dhe i qetësisë për Ballkanin u shënua në minutën e 88-të.