2 perditesime
10:42

Infantino bën homazhe para shtatores së Fadil Vokrrit

Presidenti i FIFA-s, Gianni Infantino, në kuadër të vizitës në Kosovës bëri homazhe para shtatore së legjendës Fadil Vokrri.

Infantino u prit me duartrokitje nga të pranishmit.

Ai më pas vizitoi edhe ambientet e stadiumit “Fadil Vokrri”.

10:18

Infantino mbërrin në Kosovë

Presidenti i FIFA-s, Gianni Infantino, ka mbërritur në Kosovë në mëngjesin e së premtes.

Infantino është pritur në aeroportin ndërkombëtar “Adem Jashari“ në Prishtinë nga zyrtarë të Federatës së Futbollit të Kosovës, në krye me kryetarin Agim Ademi.

I pranishëm ka qenë edhe kreu i Federatës Shqiptare të Futbollit, Armand Duka si dhe Muhamed Sejdini i Federatës së Futbollit të Maqedonisë së Veriut.

Gjatë ditës do të ketë edhe takime tjera, po ashtu me krerë institucional të Kosovës. Në orën 15:00 do të mbahet konferencë për media.

09:46

Presidenti i FIFA-s, Gianni Infantino, qëndron sot në Kosovë

Presidenti i Federatës Ndërkombëtare të Futbollit, Gianni Infantino, të premten do të bëjë vizitë zyrtare në Kosovë.

Presidenti i FIFA-s do të takohet me zyrtarë të Federatës së Futbollit të Kosovës, me komunitetin e futbollit dhe me krerët e institucioneve shtetërore, ka njoftuar FFK-ja.

Pasi të kryejë takimet, Infantino dhe kryetari i FFK-së, Agim Ademi, do të mbajnë konferencë për shtyp, në orën 15:00.

Presidenti i FIFA-s të enjten ka qëndruar në Shqipëri. Atje bëri inaugurimin e Shtëpisë së Futbollit.

Infantino për herë të parë e viziton Kosovën.