1 perditesime
22:42

Anglia pëson nga Italia, bie në Ligën B

Anglia do të luaj në Ligën B në edicionin e ardhshëm të Ligës së Kombeve të UEFA-s.

Anglia të premten mbrëma në Milano pësoi 1:0 nga Italia dhe tani nuk ka gjasa të shmangë pozitën e fundit në Grupin 3 të Ligës A të Ligës së Kombeve. Vendi i fundit dërgon në Ligën B në edicionin e ardhshëm. Anglia i ka vetëm dy pikë pas pesë ndeshjeve. Gjermania në vendin e tretë i ka gjashtë pikë. Italia është e dyta me tetë pikë, ndërsa në grup udhëheq Hungaria me dhjetë pikë.

Giacomo Raspadori shënoi gol të bukur në minutën e 68-të për fitoren e Italisë.

Ndeshjet e fundit në grup janë pas tri ditësh. Anglia e pret Gjermaninë në “Wembley” ndërsa Hungaria e pret Italinë në Budapest.

Humbja e së premtes është shqetësuese për Anglinë në prag të Botërorit që mbahet në Katar. Anglezët kanë pasur shpresa se ky do të jetë Botërori i tyre, por dështimi në qershor dhe humbja e së premtes ka ulur dukshëm entuziazmin.

22:13

Raspadori shënon për epërsinë e Italisë ndaj Anglisë

Giacomo Raspadori ka shënuar gol të bukur për ta kaluar Italinë në epërsi ndaj Anglisë.

Ai shënoi për 1:0 në minutën e 68-të.

Ndeshja i takon grupit 3 të Ligës A të Ligës së Kombeve. Me këtë rezultat, Anglia bie në Ligën B të Ligës së Kombeve.

Në ndeshjen tjetër të grupit, Hungaria po udhëheq 1:0 ndaj Gjermanisë.

https://dubz.co/v/ah5s8h