1 perditesime
22:43

Franca nuk lejon befasi ndaj Austrisë

Franca ka fituar 2:0 ndeshjen e parafundit në fazën grupore të Ligës së Kombeve. Të enjten mbrëma, Franca e mposhti Austrinë, në kuadër të Grupit 1 të Ligës A.

Kylian Mbappe shënoi gol të bukur në minutën e 56-të për 1:0. Në minutën e 65-të, Olivier Giroud shënoi gol po ashtu të bukur me goditje me kokë, për 2:0.

Franca nuk ka gjasa që ta fitoi grupin dhe të kualifikohet në finalet e Ligës së Kombeve. Por fitorja ishte me peshë për të shmangur vendin e fundit në grup që dërgon në Ligën B.

Franca është e treta në grupin 1 me pesë pikë nga pesë ndeshje. Austria tani bie në vendin e fundit me katër pikë.

Të dielën Austria e pret Kroacinë, ndërsa Franca luan në udhëtim me Danimarkën. Janë ndeshjet e fundit në grup.

22:02

Mbappe me gol të bukur kalon në epërsi Francën

Franca ka kaluar në epërsi ndaj Austrisë në ndeshjen e Ligës A të Ligës së Kombeve.

Është Kylian Mbappe që realizoi gol të bukur për 1:0 në minutën e 56-të.

Ai pasi u lirua nga disa futbollistë, goditi saktë. Në ndeshjen tjetër të grupit të parë, Kroacia po udhëheq 1:0 ndaj Danimarkës.

Borna Sosa ka realizuar në minutën e 49-të.