Xhudisti Dardan Cena ka fituar medaljen e bronztë në Evropianin për juniorë që po mbahet në Pragë të Çekisë.
Cena në finale të repesazhit mposhti me ippon hungarezin Adorjani Gergely.
Ai garoi deri në 73 kilogramë.
14:29
Cena lufton për të bronztën
Xhudisti Dardan Cena do të luftojë në finalen e repesazhit për ta fituar medaljen e bronztë në Evropianin për juniorë që po mbahet në Pragë. Cena po garon deri në 73 kilogramë.
Ai kaloi në finale të repesazhit pasi kundërshtari çek Petr Mlady nuk u paraqit. Në repesazh takohet me hungarezin Gergely Adorjani.
Cena u eliminua në çerekfinale nga hungarezi Daniel Szegedi, pasi shënoi tri fitore radhazi.
13:29
Dardan Cena shënon tri fitore, kalon në çerekfinale të Evropianit
Xhudisti Dardan Cena po paraqitet me shumë sukses në Evropianin për juniorë në Pragë. Cena po garon në kategorinë deri 73 kilogramë dhe tashmë ka shënuar tri fitore. Ai është në çerekfinale.
Cena fillimisht e mposhti Artemi Larionovin e Estonisë. Më pas shënoi fitore ndaj Anton Shuhalieiev të Ukrainës, ndërsa në raundin e tretë e mposhti sllovenin Nace Herkoviq.
