Sport

Xhudo, Muminoviq arrin në çerekfinale për junior

Xhudistja kosovare Erza Muminoviq ka arritur në çerekfinale në Kampionatin Evropian për junior që po mbahet në Çeki.

Muminoviq, që garon në kategorinë deri 52 kilogramë, kaloi në 1/8 e finales pa luftë, ndërsa në këtë fazë mposhti ukrainasen Olha Kalnytska me “ippon” pas 2:38 minutave luftë. Në çerekfinale do të përballet me gjermanen Nicole Stakhov. Sot garoi edhe Debora Gjakova, në kategorinë deri 57 kg, që u ndal në rundin e parë nga italianja Chiara Zuccaro.

Po ashtu në Evropian do të garojë edhe Dardan Cena në kategorinë deri 73 kg.