Dueli i xhiros së shtatë të Superligës së Kosovës në futboll mes Llapit dhe Ballkanit, i paraparë të zhvillohet të mërkurën në Podujevë, është shtyrë për një datë tjetër. Kështu, ka njoftuar Llapi në “Facebook” të martën.
Kjo ndeshje është shty pasi skuadra e Ballkanit të enjten e luan ndeshjen e dytë të fazës së grupeve në Ligën e Konferencës, në udhëtim te Slavia e Pragës.
Kështu që, Llapi në xhiron e shtatë të elitës së futbollit kosovar do të pushojë, përpara se të kthehet në aksion të shtunën me duelin në udhëtim ndaj Gjilanit.
