Skuadra e Interit nuk ka hequr dorë nga transferimi i sulmuesit Marcus Thuram, përcjell të martën “Calciomercato”.
Bëhet e ditur se Interi po planifikon transferimin e francezit në fund të këtij edicioni kur edhe i skadon kontrata me Borussia Moenchengladbachun. 25-vjeçari po shihet si përforcim i duhur tek Interi për sulmin pas paraqitjeve të mira që i ka treguar në Bundesligë vitet e fundit.
Thuram është pjesë e Gladbachut prej vitit 2019 dhe këtë edicion ka shënuar gjashtë gola e ka bërë dy asistime në shtatë paraqitje.
Ai po monitorohet edhe nga Borussia Dortmundi, ekip që po ashtu po synon ta transferojë si lojtarë të lirë verën e ardhshme.
