Zuerichu i shqiptarëve në krizë, s’fiton as pas shtatë ndeshjeve
Kampioni në fuqi i Zvicrës, Zuerichu, e ka nisur në mënyrën më të keqe mbrojtjen e titullit.
Kur kanë kaluar shtatë ndeshjet e para në Superligën zvicerane, kampioni nuk e ka shijuar ende fitoren, ka dy barazime dhe pesë humbje. Mban pozitën e fundit në tabelë.
Humbja e fundit erdhi të shtunën në shtëpi nga Lugano. Zuerichu u mposht 2:1. Për golin e vetëm të vendasve asistoi Blerim Xhemajli.
Përveç Xhemajlit, te Zuerichu paraqiten edhe Donis Avdijaj, Meriton Kryeziu, Fidan Aliti, Bledian Krasniqi e Lindrit Kamberi.
