Që nga ardhja e Andreas Georgsonit në krye të skuadrës te Malmo FF, Patriot Sejdiu ka pasur më pak minutazhë në fushë. Megjithatë, futbollisti i Kosovës beson se ai duhet të ketë edhe më shumë minuta në fushë.

“Mendoj se jam shumë i mirë dhe se meritoj të luaj më shumë”, ka thënë 22-vjeçari për “Sydsvenskan”.

Sejdiu ishte vendimtar në fitoren kundër Helsingborgsit, ndërsa kundër Siriusit shënoi dy gola.

“Ka shumë konkurrencë, por unë ende realizoj gola. Mendoj se duhet të kem më shumë minutazhë, pavarësisht se kë e transferojmë. Nëse shënon, duhet të kesh hapësirë. Ndoshta jo titullar në çdo ndeshje, por duhet të ketë minuta”, ka thënë Sejdiu.

Sejdiu ka zhvilluar 307 minuta në vitin e kaluar në elitën e futbollit suedez.