Kampioni i Zvicrës, Zuerichu, këtë edicion do të paraqitet në Grupin A të Ligës së Evropës pas shortit të tërhequr të premten.
Zuerichu në këtë grup do të luajë kundër Arsenalit, PSV Eindhovenit e Bodo/Glimtit.
Manchester Unitedi do të jetë pjesë e Grupit E të Ligës së Evropës, të cilin e përbëjnë edhe Real Sociedadi, Sheriff Tiraspoli e Omonoia.
Skuadra e Romës që sezonin e shkuar triumfoi në Ligën e Konferencës, këtë sezon do të paraqitet në Ligën e Evropës dhe do të ketë punë me Ludogoretsin, Betisin dhe HJK Helsinkin.
Grupi B, përbëhet nga Dynamo Kievi, Rennesi, Fenerbahe e AEK Larnaca.
Në kuadër të Grupit D, do të përballen Braga, Malmo, Union Berlini e St. Gilloise. Skuadra e Lazios do të ketë punë me Feyenoordin, MIdtjyllandin e Sturmin në Grupin F të kësaj gare.
Trabzonspori, ekip ku luan Enis Bardhi është pjesë e Grupit H, të cilin e përbëjnë edhe Cërvena Zvezda, Monaco e Ferancvarosi.
Ndërkohë, në Grupin G janë Olympiacosi, Qarabagu, Freiburgu e Nantesi.
Xhiroja e parë e fazës së grupeve të Ligës së Evropës, do të zhvillohet më 8 shtator, ndërsa marrin pjesë 32 ekipe të ndara në tetë grupe.
Finalja e kësaj gare, do të luhet në stadiumin “Puskas Arena” në Budapest më 31 maj të vitit të ardhshëm.
Fituesi i Ligës së Konferencës, automatikisht në sezonin e ardhshëm do të paraqitet në Ligën e Kampionëve.
© KOHA. Të gjitha të drejtat janë të rezervuara.
