Bayern Muencheni do të tentojë të bëjë një lëvizje befasuese në ditët e fundit të këtij afati kalimtar.
Skuadra bavareze do të përpiqet ta transferojë Frenkie De Jongun e Barcelonës. “Mundo Deportivo” ka shkruar të martën se Bayerni tashmë ka nisur kontaktet me Barçën që është e gatshme ta shesë mesfushorin holandez.
Bayerni po synon ta huazojë holandezin për një vit, me të drejtën e blerjes në fund të sezonit për 70 milionë euro. Po ashtu, do të ofrojë edhe 10 milionë euro për huazimin e tij njëvjeçar.
25-vjeçari që këtë sezon ka dy paraqitje me Barcelonën, ka kontratë deri në vitin 2026. Ai po kërkohet edhe nga Manchester Unitedi e Chelsea.
