Tanguy Ndombele i është bashkuar Napolit si i huazuar për edicionin 2022/23. Kështu ka njoftuar skuadra italiane të premten gjatë ditës.
Napoli do ta ketë opsionin e transferimit të plotë të mesfushorit në fund të sezonit, ka konfirmuar Tottenhami.
Mesfushori francez iu bashkua Spursit nga Lyoni për shumën rekorde prej 63 milionë funteve në vitin 2019, por nuk i përmbushi pritshmëritë e klubit. Ndombele luajti 91 ndeshje në të gjitha garat për Tottenhamin dhe ka 10 gola të shënuar.
Në gjysmën e dytë të edicionit të kaluar, Ndombele u huazua te Lyoni dhe luajti 15 ndeshje gjithsej, duke kontribuuar me një gol.
© KOHA. Të gjitha të drejtat janë të rezervuara.
