Skuadra e Barcelonës ka shprehur interesim për Hector Bellerinin, përcjell “Mundo Deportivo” të premten.
Mësohet se spanjolli po shihet te Barcelona si përforcim i duhur për mbrojtjen.
Bellerin mund t’i bashkohet Barçës si lojtar i lirë, pasi do ta shkëpusë kontratën me Arsenalin që i skadon vitin e ardhshëm.
27-vjeçari në vitin 2011 u largua nga të rinjtë e Barcelonës për t’iu bashkuar Arsenalit, ndërsa sezonin e shkuar ishte i huazuar te Real Betisi.
Mbrojtësi i krahut të djathtë është i gatshëm të rikthehet në La Liga dhe Barcelona tashmë ka nisur kontaktet me agjentin e tij.
