Përfaqësuesja U19 e Kosovës në volejboll (femrat), ka startuar me humbje në Kampionatin Ballkanik që po mbahet në Mioveni në Rumani.
Në ndeshjen e parë të Grupit A, Kosova të mërkurën ka pësuar nga Rumania me rezultatin 3:0 (25-16, 25-22, 25-11) në sete.
“Kosova U19 mposhtet në përballjen e parë të Kampionatit Ballkanik, pavarësisht paraqitjes së mirë Kombëtarja U19 e Kosovës, femrat, ka zhvilluar ndeshjen e parë në kuadër të Kampionatit Ballkanik në Mioveni kundër nikoqirit, Rumanisë, në Grupin A”, thuhet në njoftimin e Federatës së Volejbollit të Kosovës (FVK).
Ndeshjen e radhës, Kosova e luan ndaj Turqisë të enjten prej orës 14:00.
