1 perditesime
22:54

Arsenali mposht Crystal Palacen në xhiron e parë të Premier Leagues

Arsenali e ka mposhtur Crystal Palacen në udhëtim me rezultatin 2:0 të premten, në ndeshjen e parë të edicionit të ri të Premier Leagues së Anglisë.

Gabriel Martinelli (20’) dhe Marc Guehi (autogol 85’) shënuan për Arsenalin.

Për Arsenalin titullar ishte Granit Xhaka dhe luajti tërë ndeshjen. Ai u ndëshkua me karton të verdhë në minutën e 44-të, duke u bërë lojtari i parë në edicionin e ri të Premier Leagues që ndëshkohe me të verdhë.

 

21:52

Arsenali e mbyll me epërsi minimale pjesën e parë ndaj Crystal Palaces

Arsenali e ka mbyllur me epërsi minimale 1:0 pjesën e parë ndaj Crystal Palaces. Golin e epërsisë për Arsenalin e shënoi Gabriel Martinelli në minutën e 20-të.

Ai u asistua nga Oleksandr Zinchenko. Kjo është ndeshja e parë e edicionit të ri të Premier Leagues së Anglisë.

Te Arsenali po paraqitet nga minuta e parë mesfushori kosovar, Granit Xhaka.