Gjilani ndalet në raundin e parë, mposhtet 3:1 nga Liepaja

Gjilani nuk ka mundur të avancoi përtej raundit të parë kualifikues të Ligës së Konferencës. Në raundin e parë, Gjilanin e ka ndalur Liepaja e Letonisë.

Të enjten pasdite në ndeshjen në shtëpi, Liepaja shënoi fitore me shifrat 3:1. Gjilani kishte fituar 1:0 para një jave në Prishtinë.

Me rezultat të përgjithshëm prej 3:2, Liepaja avancon në raundin e dytë kualifikues.

Ndeshja në Letoni është vendosur në pjesën e dytë, kur u shënuan të gjithë katër golat. Vendasit shënuan për 1:0 në minutën e 49-të.

Arturs Karashausks realizoi për 1:0. Vetëm dy minuta më vonë Gjilani barazoi shifrat. Ishte Blerim Krasniqi që shënoi për 1:1 në minutën e 51-të.

Por Liepaja shënoi edhe dy gola të tjerë deri në fund për fitoren 3:1. Për 2:1 shënoi rezervisti tjetër, Nemanja Belakoviq, në minutën e 64-t.

Penallti tjetër vendasit fituan në minutat e fundit të takimit. Dodo ishte i saktë nga pika e bardhë në minutën e 88-të për rezultatin e mjaftueshëm për të avancuar tutje. Gjilani për herë të dytë garoi në gara kontinentale.

Në edicionin 2020/2021 e kishte kaluar një kundërshtar në Ligën e Evropës.

Tani është ndalur nga kundërshtari i parë në Ligën e Konferencës, nivelin e tretë evropian.

Liepaja është pranë kalimit në raundin e dytë kualifikues të Ligës së Konferencës.

Liepaja po udhëheq 3:1 ndaj Gjilanit, në ndeshje e kthimit që po luhet në Letoni.

Ishte Dodo që shënoi nga pika e bardhë në minutën e 88-të për 3:1.

Penalltinë për ndërhyrje të palejuar në zonë e shkaktoi Besar Musolli.

Liepaja ka shënuar golin e dytë ndaj Gjilanit dhe po udhëheq 2:1.

Golin e dytë për vendasit e shënoi Nemanja Belakoviq në minutën e 64-t.

Ai realizoi pas një topi të kthyer, ku fillimisht u qëllua shtylla.

Liepaja dhe Gjilani e kanë nisur furishëm pjesën e dytë.

Brenda gjashtë minutash janë realizuar dy gola, nga një për secilën skuadër.

Ekipi nga Letonia ka kaluar në epërsi në minutën e 49-të.

Realizues i golit për Liepajan është Arturs Karasauskas nga penalltia.

Penalltinë e shkaktoi Blerim Krasniqi në sulmuesin Dodo.

I shpejt ka qenë reagimi i Gjilanit që ka barazuar shifrat me Blerim Krasniqi.

Sulmuesi i ekipit kosovar shënoi nga afërsia në minutën e 51-të.

Liepaja dhe Gjilani po e zhvillojnë ndeshjen e kthimit të rrethit të parë kualifikues të Ligës së Konferencës.

Pjesa e parë e duelit që po luhet në stadiumin “Daugavas” në Liepaja të Letonisë, është mbyllur 0:0.

Asnjëra skuadër nuk ka arritur të krijojë shumë raste të pastra në 45 minutat e parë.

Gjilani mundësinë më të mirë e kishte me Blerim Krasniqin, por gjuaja e tij shkoi jashtë. Gjilanasit nuk goditen asnjëherë brenda kornizës, kurse vendasit patën dy gjuajtje, por portieri Enea Koliçi ishte në vend.

Në përgjithësi, pjesa e parë është karakterizuar me shumë ndërprerje si pasojë e ndërhyrjeve të palejuara, sidomos të vendasve.

Katër lojtarë të Liepajas u ndëshkuan me karton te verdhë, kurse vetëm Aziz Keita te Gjilani.

Ndeshjen e parë Gjilani e ka fituar në Prishtinë 1:0 dhe me çdo fitore ose barazim sot, kalon tutje.

Skuadra që e siguron kalimin në raundin e dytë, do të përballet me Young Boys të Zvicrës.

© KOHA. Të gjitha të drejtat janë të rezervuara.