Sport

Maxhuni vendimtar në fitoren e Finlandës ndaj Kroacisë

 

Përfaqësuesja e Finlandës në basketboll ka shënuar fitore të madhe të dielën mbrëma në Rijekë. Finlanda e mposhti Kroacinë me shifrat 81:79, falë shënimit për tri pikë, katër sekonda para fundit. Ishte Petteri Koponen që realizoi për tri pikë kur kishin mbetur vetëm edhe katër sekonda deri në fund. Kroacia ishte duke udhëhequr 79:78, por Koponen ruajti qetësinë për të siguruar fitoren.

Ishte kjo ndeshja e fundit e raundit të parë kualifikues për Botërorin 2023. Finlanda ka avancuar në raundin e dytë si e para e grupit C. Kishte bilanc prej pesë fitore e një humbje. Sllovenia u rendit e dyta me katër fitore e dy humbje. Suedia dhe Kroacia nuk avancuan. Suedia kishte dy fitore e katër humbje, ndërsa Kroacia vetëm një fitore e pesë humbje.