Akil Gjakova ndalet në gjysmëfinale, lufton për të bronztën
14:14
Akil Gjakova ndalet në gjysmëfinale, lufton për të bronztën
Xhudisti kosovar Akil Gjakova është ndalur në gjysmëfinale të kategorisë deri 73 kilogramë në Lojërat Mesdhetare “Oran 2022”.
Gjakova u mposht nga xhudisti algjerian Redouane Messaoud Dris, pas shtatë minutave luftë. Dris realizoi “Wazari”.
Gjakova do të luftojë për medalje të bronztë me italianin Manuel Lombardo.
12:50
“Ippon” i bukur i Akil Gjakovës për fitoren e parë
Akil Gjakova ka arritur në gjysmëfinale të Lojërave Mesdhetare që po mbahen në Oran të Algjerisë.
Gjakova në çerekfinale të kategorisë deri 73 kilogramë e mposhti me “Ippon” grekun Michail Tsoutlasvili.
Në gjysmëfinale Gjakova do të përballet me xhudistin algjerian Redouane Messaoud Dris.
Dris në rundin e parë e mposhti xhudistin shqiptar Indrit Cullhaj.
Xhudo i solli të mërkurën Kosovës dy medalje nga Lojërat Mesdhetare. Distria Krasniqi mori të artën në kategorinë 52 kilogramë, ndërsa Flaka Loxha ishte e bronztë deri 57 kilogramë.
