Dy herë kampionia e “Grand-Slameve”, Garbine Muguruza, ka humbur në raundin e dytë të turneut të “Wimbledonit” nga tenistja nga Belgjika, Greet Minnen.
Të mërkurën, Minnen fitoi ndaj Muguruzas me rezultatin 2:0 në sete, 6:4 dhe 6:0.
Kampionia e vitit 2017 në turneun e “Wimbledonit”, që ishte bartëse e nëntë e turneut, bëri 33 gabime.
Po ashtu në raundin e dytë të garës, bartësja e tetë e turneut, Jessica Pegula e Shteteve të Bashkuara të Amerikës, fitoi ndaj kroates Donna Vekiq, 6:3 dhe 7:6.
Ndërkohë, bartësja e 12-të, Jelena Ostapenko, fitoi përballë Yanina Wickmayer të Belgjikës, 6:2 dhe 6:2.
Garuesja nga Letonia ishte fituese e turneut “French Open” në vitin 2017, dhe zuri vendin e dytë në “Wimbledon” në vitin 2018.
